@ghdnews.in@

Tura, February 1, 2026: Re·baenggipa GHADC election-o susana TMC doloni da·o dipet ge 16 constituency-rangona sak 26 candidate-rang party ticket-na dorgastoko galaha, jean da·o MDC ong·enggipa sak 6-oni sakgnisan dorgastoko on·engkua ine kobor man·aha.

Dadenggre-ni MLA aro Meghalaya TMC Election Committee-ko council election-na dilenggipa, Rupa M. Marak, iani bidingo talatengon, re·anggipa January 17 tarikon dorgasto ra·chakani bon·kamgipa sal ong·aha ine aganaha.

Indake ong·genchimoba, da·o ong·enggipa MDC-rangni dorgastoko je somoioba ra·chakna party maming neng·nikanirang dongja ine Marak parakataha.

A·dokni Deputy Chief Minister aro District Council Affairs-ko nirokenggipa Prestone Tynsong, council-ni term re·baenggipa April 18 tariko bon·engahani gimin, election-ni pilak dakna nanggnirangko matchotatna kamrangko ka·engjok ine parakataha.