Shillong, Feb 16,2025: Re·anggipa February 14 tariko Meghalaya Pradesh Youth Congress (MPYC)-ni gital President Timjim K.Momin-ko Shillong Congress Bavhan-o mande ra·aniko dakan baksa kusi ong·e rimchaksoaniko dakaha.
MPYC-ni gital President-na mande ra·aniko dakani somoio Meghalaya Pradesh Congress Committee (MPCC)-ni President Vincent H Pala, Working President Deborah C.Marak, Tura-ni Saleng A.Sangma aro gipin Congress-ni dilgiparang dongpae, nama sikaniko on·angtokaha.
MPCC-ni Working President Deborah Marak, ia namgipa cholko man·anina kusi ong·aniko parakangengon, maidakode mikkangchi Congress dolko bilakatna man·gen, Youth Congress, NSUI aro Mahila Congress baksa apsan ku·mongenba, niksamsoa gnang an·tangtangko on·kange, jat a·songni namgnina kamko ka·angchina didiangaha.
