Tura, April 20, 2025: North East Indigenous Peoples’ Association (NEIPA)-ni General Secretary Bostone M.Sangma, April 18 tariko Jammu aro Kashmir-ni dilgipa Arrasheed Hidden aro Human Research Foundation (HRF)-ni President Muhammad Umran-ko Srinagar songjinmano grongenba songni nokni chadamberangna chongmotan indigenous bi·sarangna mikkangchi jatni pilak daka rikani webalrangko nambate skie ra·ani gimin Awareness-ko on·na gita mongsongbate chanchirimaniko dakaha.
Unbaksana, a·dok gipino songdongenggipa jatrangni dakbewal rikbewalrang (Cultural)-ko skie ma·sie ra·na gita dakchakaniko on·grike dal·drobaenggipa chadamberangna namedake dake skie donangna miksonge chanchirimaniko dakaha.
Ua dilgiparang bang·gija salrangni gisepon, Garo Hills-ona re·bae A·chikrangni dakbewal rikbewalangko ma·sie ra·na gita miksongenga ine Bostone Sangma u·iataha.
Uamang apsan ku·monge, indigenous manderangna ja·ku ga·e kamrangko ka·na miksongengon, mongsongbate bi·sarangna jatni dakbewal rikbewalrangko skie on·na gita miksongenga, ineba Sangma parakataha.
