@ghdnews.in@

Guwahati, Jan 19, 2026: Assam-ni Skotong Minister Himanta Biswa Sarma, Bangladesh a·songoni niamgri napsrukbagipa sak 14 manderangko Robibar salo rim·aha aro chel·chaksoenggipa dolrangni naljokatan baksa uamangni a·songona watatpilaha ine parakataha.

Sarma, uni ‘X’ account-o seatani gitade, Assam a·dokona napbagipa, sak 14 Bangladesh a·songni manderangko rim·e, a·songtangona watatpilaha. Uamang je biapoba dongnue chakbo uamangko am·sandie, India a·songoniko a·rikgalatpilgen ine seataha.

Assam a·dokko naljoke rakkina aro songsalo tom·tomaniko rakkina a·dok sorkarini mongsonggipa kam ong·a aro miksonganiba ong·a, ine Assam-ni Skotong Minister janapataha.

Assam Pulis aro sima ario chel·chaksoenggipa dolrang nangrime, niamgri napsrukbagipa manderangko am·sandie champengsoaniko dakani ja·man ua manderangko niamgri a·dokona napbae dongenga ine nikaha aro uamangko a·songtangona watatpilaha.

Iandake niamgri napsrukbaenggipa manderangko niam gita watatpilaniko dakna India aro Bangladesh a·songni gisepo songgigrikaniko sengaigija, Assam sorkari gital policy ba niamrangko ra·gataha ineba Sarma parakataha.

Indake ong·engon, re·baenggipa Assam Assembly Election-ni bidingo Sarma, Bharatiya Janata Party (BJP) dolan sorkariko riktaigen ine ka·dongbee parakatan baksa songdongkamgipa manderangko chel·chaksoani aro a·dokni namroro silroroanina mikkangchi kam ka·na miksonganirangkoba parakatjolaha.