Guwahati, April 4, 2026:: India-ni Prime Minister Narendra Modi aro Assam-ni Skotong Minister Himanta Biswa Sarma, Assam a·doko tribal manderangni janggi tanganiko namdapatna aro namroro silroroaniko ra·bana chanchisamsomanaha, uni gimin, Bharatiya Janata Party (BJP) eleksino chegenchim ong·ode, a·bachengate on·gen ine Union Home Minister Amit Shah parakangaha.

Dudhnoi-o tom·bimonganiko ong·atanio ua jinmana aganprakangengon, Assam Assembly Eleksin-o BJP dolna vote-ko on·china didiangaha. Modi-ni dilanio, Droupadi Murmu India-ni skanggipa tribal me·chikrangoni President ong·chengaha ineba ua janapangaha.

Uni gisepon, Uniform Civil Code (UCC), a·brio songdonggipa tribal jolrango maming nangchakeani dongjawa ine Shah ka·dongataniko on·angaha. Unbaksana, Meghalaya a·dokni Garo Hills-o niamgri napsrukbagiparang bilrangko ra·sekna jotton ka·ani a·sel Garo Hills-o
so·sojengjeng ong·aniko ra·baha, ineba ua agandapangaha.

BJP, niamgri napsrukbagipa manderangko Assam-oniko a·rikgalgen ine agana baksana, BJP a·doko tom·tomaniko ra·baaha, indiba Congress dol bilona re·baa ong·ode, tom·tomani dongjawaha ine Union Home Minister mikrakataniko on·angaha.