Phulbari, May 24,2025: West Garo Hills a·jani a·kawe jolrango chi bananiko champengna gita Chibinang jolo donggipa embankment ba guare, adita salrangna skang mikka jimbee waanichi chi bananio pe·angahani gimin Rongai Chibimani guareko gital rikpiltaichina All Meghalaya Minority Students’ Union (AMMSU) didiataha.

Re·anggipa antio mikkarang jimbee waani a·sel chi bananichi Phulbari aro Chibinang jolrango a·arang rurongrangaha aro Rongai Chibimani bang·bata guarerangko pe·angaha. Da·o wachi a·bachengon, chirang banode, mikkangchi iandakgipa a·selrangko bang·en chagrongangkugen. Uni gimin Rongai Chibimako gital guare kapiltaichina AMMSU sorkariko mol·molataha.

AMMSU-ni President Nur Islam-ni
parakatani gitade, adita salrangna skang chi bananio, Rongai Chibima rikamo donggipa bang·a nokrangan nosto ka·ako man·tokaha, indiba rasong gnange ia changode, manderang darangba janggi gimaa dongjaha.

“Rongai Valley MIP, Chibinang-o donga, indiba tangkarang dongjani a·sel iako chu·sokatna man·kujaenga. Contractor-na tangka paisarangko on·chipjani gimin kamrangko ka·jaengaha. Uni gimin nosto ong·gipa guarerangko taripilna man·na gita jagittamprakon tangka paisarangko watatchina chinga sorkariko mol·molenga,” ine Islam parakataha.

Ia office-ko sorkari chalaina gisik nangjaenga ong·ode, chipe donatsrangon nambatgen maina kam gri dormaha on·e dongaiode, maming namgni dongjawa ineba ua parakataha.