Williamnagar, May 16, 2025: A·chik Dedicated Integrity Leaders(ADIL), Central Executive Body aro Rongjeng Regional Unit, May 14 tariko Milawe-oni Chambildam songona tarigipa PMGSY sorok,
jadoksan ong·kuengon, sorokni obosta namgijaniko nike, contractor-ni kosako badi ka·doangaha.
ADIL-ni parakatani gita, contractor, Anjush R. Marak, ia sorokko tarianio, tangkarangko jakkalsretenba sorokko namgija aro kragija (sub-standard) bosturangko jakkale tariaha. Uni asel ru·utgija somoion sorokni obosta namjaha ine nikna gita man·aha.
“Indake tangkarangko ong·gija jakalsretanichi, ua manderangni ka·donganiko be·ataha” ine ADIL-ni Chairman, Francis C.Marak parakataha.
Ia pilak kragijagipa kamni photo aro video sakkirang chu·onga gitan donga ineba ua agandapaha.
PMGSY sorokni obostako nike, ADIL, PWD Minister aro concerned department-ko ia obostani bidingo ta·rakkale sandichina aro dos dakgipa mandeni kosako kragipa sastiko on·china dabiangaha.
