Tura, March 31, 2026: All A·chik Youth Federation (AAYF), Central Executive Board (CEB), Headquarter Tura, ma·mong sorkari aro a·dok sorkariko a·dokni electoral roll-rangko chong·motan voter list-rangko, namedake nipiltaianiko dakenba, Special Intensive Revision (SIR) dakchina dabiangaha.

Ia revision ba nipilaniko dakaniara A·chik jatna ba Garo Hills-o songdongenggipa tribal manderangna nambatgipa ong·gen. Maina Bangladesh-oni Meghalaya-ona mongsongbate Garo Hills-ona napsrukbae songdongenggipa manderang, ge·gni (dual) voter-rang gnang, uni gimin ua manderangko voter list-oniko den·galna nanga ine AAYF a·dok sorkario dabiangaha.

A·chik jatni namgnina, Sixth Schedule-ni niamrangko chel·chakna aro indigenous tribal-rangni mongsongbate, A·chikrangni bilrangko name rakkina gita, SIR-ko dakna nangchongmota, ine AAYF didiataha.

GHADC-ni ning·o donggipa A·chikrangni identity chong·motan jatni bimang, niam-bidikrang, a·a-chi, buring bolgrimrang, gam-jinrang aro ma·gitcham pagitchamrangni dakbewal rikbewalrangko name ripinganian, mongsongbatgipa ong·enga, ineba AAYF parakataha.