@ghdnews.in@

Shillong, Jan 12, 2026: A·doko warachakenggipa dolni dilgipa ba Leader of Opposition (LO) Dr. Mukul M. Sangma, a·doko Meghalaya Residents Safety and Security Act (MRSSA), 2016-ko ra·gatgija galchipe donenga ine matnangatenba, ia Act-ko ra·gatgenchimode, a·doko niamgri koela cho·anirang aro ro·ong bikotanirangko dakna man·jawaha inesa ia Act-ko ra·gatgija dongenga ine matnangaha.

Gitcham sorkari, a·doko songdongenggipa manderang baksa adita chanchirimani ja·man, 2016 bilsio ia MRSSA-ko Draft ka·aha, indiba MDA sorkari, MRSSA, 2016-ko ra·gatteljaengasa.

Gitcham sorkaride, Entry aro Exit Point-rangko songnaba biaprangko nimanahachim, jekon Tourist Facilitation Centres (TFC) ine agana uko Tourism Department nirokenga ine Dr. Sangma matnangaha.

Uandake Court-ni rai on·anio pangchake, Judiciary-ba ua Facilitation Centre-ko chalaina kragipa niamrang dongjaode, chalaina ba operate ka·na man·ja, ine aganaha. “Niamrangko ba guidelines-ko tarianiara sani daito ong·a, ine sing·doatenba, MRSSA Act, 2016, Judicial Scrutiny ba nirokaniko chu·sokataha, indiba MDA sorkarini taridapgipa Amendment-ara a·dokni legislative jurisdiction-ni a·palona sokangaha.

Ia MDA sorakariko chalaigipani legislative-o bilsokgijaniko nike bilongen duk ong·a. Maina MRSSA-ni ning·o National Highway, State Highway ramarango aro manderangni dongenggipa biaprango CCTV camera-rangko tekna nangachim, jedakode jolni manderangna chel·chakaniko on·na man·genchim.

Ia “CCTV camera-rangko tekgenchimode, niamgri koela bikote salruraniko altuen nirokna man·genchim. MRSSA Act, 2016-ko ra·gatahaode, niamgri koela bikotaniko ta·raken rim·naba man·genchim ine Dr. Sangma aganaha.