@ghdnews.in@

Shillong, Jan 30, 2026: Meghalaya a·dokni Skotong Minister Conrad K Sangma, Bristibar salo a·songni Prime Minister Narendra Modi-ko New Delhi-o grongenba, Meghalaya Vision 2032-ni ning·o a·dokni silroro namroroanina dakchakaniko on·angkuchina mol·molangaha.

Sangma, Prime Minister baksa agangrikengon Meghalaya a·dokni jakgitelaniko maniani salna uni nama sikaniko on·atanina mitelpilskaenba, a·dokni Living Root Bridge Cultural Landscape-ko UNESCO World Heritage List-o napatchina seokahani gimin mitelpilskaangaha.
Indake, a·dokni tang·doani bidingo janapatenba, a·songni Gross State Domestic Product (GSDP)-na bate Financial Year 2022 bilsioni Meghalaya a·dok tang·dobataha ine Skotong Minister aganaha.

Unbaksana, ma·giparangna aro bi·sarangna sanna bannaniko on·anichi an·pakani somoio ma·gipa aro bi·sani siani namen komiaha ine ua Prime Minister-na aganaha. A·dokni silroroanina mongsongbate ja·kurangko de·engani gimin janapatengon, ge·e game cha·enggiparangni man·gniko tang·doatna karkana aro badingani cholrangko mangrakbatataha, Shillong City Project aro tourism-ni tang·doani giminba Sangma janapangjolaha.

Una agreba, 2027 bilsio ong·atnsienggipa chang 39-gipa National Games-ko a·doko sokachakna tarisamsoani giminba ua aganaha.

Indake uamang, salgro salaramni gipin a·dokrango tang·doani giminba agangrikangaha jeon Sangma, Externally Aided Projects (EAP)-ko bariatna, rika cho·ani kamrango namdapatna aro tangka paisani gita ma·mong sorkarioni dakchakaniko on·angkuchina mol·molangaha.

Meghalaya a·dokni namroro silroroanina niksamsoe tarigimin lekka Vision 2032 plan-ko aro Union Government-oni dakchakaniko on·china mol·mole tarigimin proposal-ko ua Prime Minister-na on·angaha.