@ghdnews.in@

SHILLONG, FEB 10, 2025:: Meghalaya a·dokni Skotong Minister Conrad K Sangma-na Robibar salo, chang 37-gipa Catholic Bishops Conference of India (CBCI) General Body Meeting-ko Bengaluru songjinmani St John’s Medical College-o ong·atani somoio, CBCI National Awards 2026-ko on·aha aro ia Award-ko man·gipa sak 19 manderangoni saksa ong·paaha.

Ua Award-ara, CBCI-ni a·bachengatgipa Award ong·a aro ua Award-ko a·dokni Skotong Minister aro gipin sak 18 manderang, skanggipa changna man·aha.

Kobor setimgiparangna seachi u·iatani gitade, ua CBCI National Award-ko, mondolina, songsalna aro a·songna dangdike on·anio, Kristianrangni bebera·ani aro mandena kakket bichal, lekka porana, dilgipa ong·na aro dingtang dingtang kamrang baksa mesokgipa manderangna on·enga. An·tangna ua CBCI National Award-ko on·ani somoio a·dokni Skotong Minister Conrad K Sangma, jinmana aganprakengon, CBCI-na mittelpilaniko parakangenba, ia award-ko on·aniara, an·tangtangni kamrangko aro mondolini kamrangko namdapatna didiani ong·a ine aganaha.

Mongsongbate salgro salaram jolrango Catholic Mondolini rakbee kamrangko ka·enganina mittelpilangengon, ua Catholic Mondolini kamrango bakrimaniko on·na gita Sangma ku·rachakangaha.

Ua Award-ko on·anio, Karnataka sorkarini Energy Minister KJ George, India a·song gimikni Bishop-rang, dingtang dingtang mondolini dilgiparang aro gipinrangba dongpae bak ra·angtokaha.