@ghdnews.in@

Shillong, Feb 18, 2026::Ia 2026 bilsini April 1 tarik dipet skigiparangna tiktak taria gita dormahako on·na man·na gita, Education Department, Structure Pay Framework (SPF)-ko ra·chakangaha. Ia ra·chakanggimin, framkwork-ni ning·o ga·akgipa skigiparangara SSA, RMSA, Adhoc, (LP skuloni Hogher Secondary skulona), Pre-Primary, Science aro Hindi Grant skigiparang baksana, a·dokni ning·o donggipa 4-gipa skigiparang ong·gen.

Ia gital niamo pangchake bilsi anti 3% dormahako tang·doatgen aro CPF-na 8%-ko sorkari, skigiparangoniko chimonggen. LP gadangni skigiparangna dormahako gong 21,000-oni gong 43,000-ona, Higher Secondary gadangni skigiparangona tang·doatgen, jean bilsi 58-ona kam ka·na man·a, baksana badita ru·ute dangdike on·aha, uarango pangchake man·anirangba ong·gen.

Ia gital niamko sorkarini dakna ja·ku de·aniara skigiparangni janggi tanganio tangka paisani gita mangrakbatataniko on·na aro uamangni kam ka·anirangko u·i-ma·sina ong·a, ine a·dokni Skotong Minister Conrad K Sangma parakataha.