Shillong,Sept 11,2024: A·dokni Department of Information and Public Relations (DIPR)-ni u·iatani gitade, a·dokni dakchakgipa Skotong Minister Preston Tynsong-ko nambate sanna gita Butbar pringo Delhi songjinmaona ra·angaha ine kobor man·aha.
Koborni gitade, a·dokni dakchakgipa Skotong Minister Preston Tynsong, blood pressure bilonge saenba sko gita an·chi ong·ahani gimin, September 9 tarik Sombar attamni 5 bajio Nazareth Hospital-ona ra·ange, ICU-o admit ka·enba, Department of Neurosurgery-o done sananiko dakengachim. Indiba saa namkaljahani gimin, nambata sanna bananiko on·na gita a·songni Skotong Delhi songjinmaona ra·angaha ine parakataha.
