Shillong, Feb 1, 2026: Re·baenggipa 2027 bilsini December jao Secondary Skul Leaving Certificate (SSLC) Examinations ba porikkako ong·atgen ine a·dok sorkari parakataha.

Education Department-ni Under Secretary JG Kharbuli-ni u·iatani gitade, December jao SSLC porikkako ong·atna gita sorkari tik ka·aha, jekon bil gnanggipa authority-rang ra·chakaha.

Meghalaya-ni Skul Education aro Literacy, Director-ko a·dokni pilak Secondary Skul-rangkon, porikkani tarikna skang uamangni Academic program-rangko matchotatchina ge·etataha.

Chatro-chatrirang porikkana name dake tarisona man·na gita porikkani tarikko seng·gnang parakataha.