Tura, Oct 29, 2024: Garo Hills-ni bang·a chatro chatrirangan, Income Certificate-na Affidavit ka·e scholarship-na dorgasto galgiparangko ra·chakjaha, maina mitam chatro chatrirangara annual income, lak 2-na komie affidavit-o ka·ani gimin reject ka·ako man·aha ine Youth Social Activist Sengwat A.Sangma parakataha.

Youth Social Activist-ni parakatani gitade, bang·a kangal cholgri nokdangni chatro chatrirang scholarship-na dorgasto galengon, maidake lak 2 annual income-ko kangal cholgri nokdangrang on·na man·pagen aro mitam kangal cholgrirangara a·a dongpagija, maidake bani a·a pattako on·na man·gen ine bang·a poraigipa chatro chatrirangni suk ong·gijako nikenba, “Anga October 28 tariko CM Secretariat-ko RTI ka·doangaha” ine Youth Social Activist parakataha.

Bang·a chadamberangan kangal cholgri nokdangrangoni ong·ani gimin, indake Criteria ba niamko dakakode chatro chatrirang scholarship-ko man·pana jotton ka·oba namen neng·nikaniko man·ani gimin, RTI ka·e sing·doangaha, ineba Sangma parakataha.