Shillong, Feb 2, 2025: Union Budget 2025-ko a·bachengatani salo chongmotan February 2 tarik Robibar-o National Stock Exchange of India Limited (NSE)-ni MD aro CEO Anishishkumar Chauhan dongpae mongsonggipa sokgipa ong·e bakko ra·angaha.

Ia Union Budget, 2025-ko ong·ataniara India a·songo songdongenggipa manderangni janggi tanganiko ta·rake tang·doatna aro namroro silroroatna bilake re·mikkangani ong·a. A·songo kajinako bariatani aro kajinna gamanirangko komiatna miksonge ia budget 2025-ko a·bachengataha.

A·songo man·gnirangko bariatna aro name ripingangna, jakkale bon·atanirang tang·doaniko komiatna aro mikkangchi gam jinrangko chimonge, India a·songo songdongenggipa nokantina bajar antirangni gita namgipa namgipa janggi tangani cholrangko songdongenggipa manderangna on·na miksonganian, Union Budget-ko ong·atenga.

Bang·a a·songni manderang da·o kror 11 investor-rang bakko ra·enggipa manderang aro kangl cholgri nokdangrang India a·songni namgnina aro tangka paisa man·anina kamrangko bikotanio raken chakpaaniko on·enga.

A·songo Social Welfare-ni gita nirok simsakanichi kam ka·ani, poraiani, an·seng baljokanina simsakani, me·chikrangko bil gnangatani, dingtangmancha chadamberangna dakchakani, game ge·e cha·giparangna aro MSME-rangko a·bachengatanian India a·songni mongsonggipa tangka paisa man·ani cholko on·bikona union budget 2025-ni niksamsoe kam ka·ani ong·a.