Tura, July 6, 2025: Tura-ni dingtang dingtang gittimrang chong·motan Hawakhana, Goanang, Dakopgre, Balading, Babupara, Nikrang A·ding, Boldak A·ding, Akonggre, Dobasipara, Chunmati, Darengre, Sunny Hills, Jail Road, Spring Hills, RC Road, Proper Chandmari, Matchakolgre, Dobakol, Forestilla, Ringrey Gittim aro bang·a gittimrangko man·gope, July 5 tarik Sonibar salo tom·aniko ong·ate, Club ge·sako bikotaha aro club-ni bimingko “BIMANGSIL FRIENDS CLUB” ine donaha.
Ia club-ni gita jatna aro songsal-na bang·a namgnirangko kam ka·na krengen, club-ni Motto-koba, “Krenggen da·al, Teng·sugen knal” ine miksonganiko donaha.
Ia club-ko re·dilna gita seokgipa dilgiparangara Waldheim Sangma-President, Anish Sangma-Vice President, Jesenbirth Sangma-General Secretary, Jericho Sangma-Assistant General Secretary, Salkam Leezer-Additional General Secretary, Dipur Ch.Sangma-Games & Sports Secretary, Princeley Marak-Art & Culture-Secretary, Palman Marak-Finance Secretary, Gamrik Sangma-Social Welfare Secretary, Tigana Marak-Environment Secretary, Mashel Sangma aro Heley Zavier Marak-Publicity Secretary, Jipson Sangma, Hariet Sangma, Matgrik Marak aro Shiningstar Marak-Organising Secretary, Jon Pillar Sangma-Treasurer, Prewil Marak-Education Secretary aro sakgittam Executive Member-rangna Rakseng Sangma, Pringchi Sangma aro Emor Marak-ko seokangaha.
Ia gitalgipa club-ni gita, Tura-ni dingtang dingtang gittimrango songdongenggipa songsalni namgnina ja·kurangko de·e re·chakatenga, ine BIMANGSIL FRIENDS Club-ni President Waldheim Sangma parakataha.
