Tura, May 28, 2028: Meghalaya a·dokni Skotong Minister Conrad K Sangma, Tura Medical College aro Hospital-ko sorkarini dongimin niam gitan chalaigen ine Monggolbar salo parakataha.

“Tura Medical College-ko private management baksa sorkari nangrime chalaina miksonganiko bang·en ma·sirettokenga. Iano Private Entity-ni kamrangde Medical College-na faculty doctor-rangko rimbaani, uamangna dormaharangko on·nani aro college-ko chalaiani ong·a. “State Quota-ni seat-rangkode a·doktangni manderagnan bang·bate man·gen aro tangka paisa gamanirangba sorkarini donsogimin gitan ong·aigen” ine Sangma parakataha.

Hospitalo sanna bannani korosrangba sorkarini tarigimin damrangan ong·gen.
“Pilak bostu ba gamrang, physical infrastructure-rangko man·chape sorkarini chalaiani bilon ong·gen. Indiba academic-ko nirokani ba functioning aro medical college-ko chalaianikode private entity dakgen”.

Private management, chatro cahatrirang jemangan, “management quota”-ni ning·o napachim uamangoniko fees ra·gen. Management quota-niko man·gipa tangkarangchi college-ko chalaina private entity jakkalgen.

Shillong Medical College-ko ia bilsian academic session-ko a·bachengatgnok, indiba Tura Medical College-kode mikkang bilsioni a·bachegatgen. “An·chingni a·dokko gital medical college-rang USTM-ni chalaienggipa PIMC-ko channe, ge·gittam ong·gnok”.

A·dokni medical college-rango skina professional-rang komianichi neng·nikako man·enganina skotong minister, “Shillong Medical College-o 85 percent da·o sorkarini doctor-rangchi chalaiode, Tura Medical College-ko chalainade professional-rangko man·na neng·nikani ong·gen, Uni giminsa bakrime kamrangko ka·ani model-ara college-ko operational ong·atna nangchongmotenga ine Sangma talatangaha.