Tura, Oct 12, 2024: West Garo District Administration aro Tura Municipal Board, Sukrobar salo Swachhata Hi Seva 2024 Campaign-ni bak gita Tura bajarko rongtalatanio a·dokni Skotong Minister Pa Conrad K.Sangma-ba bak ra·angpaaha.
Ia campaign-ko Tura-o ong·atani miksongara gittimantini Community member-rang, mongsongbate chadamberang bilsigimikan rongtale an·talaniko ranta ka·na aro janggi tangani bewalrngko chasongni kri dingtangatna miksongani ong·a.
Skotong Minister-ba ia campaign-o bakko ra·angpae, jinmana baksa agangrikengon, mande sakantian rongtal an·talaniko pangnan rakkijringna nanga aro saksa sakgipin baksa ma·sigrike rongtal an·talanina ku·monge mikkangchi kamko ka·angna nanga, unosa song nokrang nitogen ine aganangaha.
Ia Swachhata Hi Seva Campaign-ko a·song gimikoni September 17 tariko a·bachengataha aro Swachh Bharat Mission-ni bilsi 10 gapaniko maniani bak gita ia campaign-ko ong·ataha ineba Pa Sangma aganaha.
