Tura, Sept 29, 2024: Swachhata Hi Seva Campaign, 2024-o pangchake, West Garo Hills District Administration, District Swachh Bharat Mission-ni gita da·al September 28 tariko Rongram bajar aro Rongram chiringko rongtalatangaha aro ia cleaning drive-o sak 400-na baten manderang bakko ra·angtokaha.
Ia cleaning drive-o Rongram C&RD Block-ni ning·o donggipa dingtang dingtang line department-rang, SBMG-ni staff-rang, Tura Govt. College-ni NSS Volunteer-rang, Skulni skigiparang, chatro chatrirang, Rongram Bajar Committee-ni member-rang, Puja Committee aro Development Committee-rang, Pulisrang, Village Water & Sanitation Committee-rang, Selp Help Group-rang, Labour and Vendor Association-ni member-rang, Goeragre-ni 2nd MLP Battalion aro songni nokni manderang rongtalataniko dakangaha.
Ia rongtal an·talaniko dakaniara, mikkangchi gittimtangtangko aro songtang noktangko rongtale rakkina aro jabolrangko skatang galgija, jabol galram biaprango chimonge galna, chiringrangko rongtale rakkina miksonganio, ia program-ko dingtangmancha Swachhata Hi Seva Campaign-ko ong·ataha.
Iako jinma bakrime ong·ataniara songtang noktangko, rama sorokrang aro chiringrangko rongtale rakkiangna, manderangni janggi tanganiko an·seng baljoke rakkina aro environment-ko name ripingna miksonge ia cleaning drive-ko ong·atangaha.
