Chokpot, May 2, 2025: South Garo Hills a·jani Chokpot Civil Sub Division aro Chokpot Block-ni ning·o donggipa Secondary skulrango poraie, SSLC porikkao 75% man·gipa chatro chatrirangna Sukrobar salo mande ra·pilskaaniko dakenba, sakprakna gong hajal 5 tangkako boksis on·angaha. Indake, sak 27 SSLC porikkao nambate pass ka·gipa chatro chatrirangoni saksa jean SSLC porikkao 75% na bate man·ahachim, uaa gong hajal 10 tangkako Chokpot-ni MLA boksis on·angaha.

Ua felicitation program-ko Chokpot-ni MLA Sengchim N.Sangma, GSU Chokpot Regional Unit, Chokpot Civil Sub Division-ni SDO Pittingson R.Sangma, Chokpot Block-ni BDO Jeriko N.Sangma, Chokpot-ni SDPO baksa nangrime ong·atangaha.

Ian, Chokpot jolo poraienggipa chatro chatrirangko mikkangchi namdapatna aro gisiko nangbate poraiangchina miksonge didiani ong·a. Uni gimin, pilak chatro chatrirangan mikkangchi gisiko nangbate aro nambata gadango pass ka·na gita jotton ka·angchina, Chokpot-ni MLA chatro chatrirangko didiangaha.