Bhopal, June 12, 2025: Raja Raghuvanshi-ko so·otani bidingo sandianirangko dakengon, matnangako man·gipa Sonam-ni adatang Govind Raghuvanshi, darangni chanchisogijagipa obosta ong·aha, chong·motan, ua an·tang nogipani namgijagipa dosko jinmana parakataha.

Uni nogipa Sonam-an Raja Raghuvanshi-ko so·otchongmota, ine parakatenba, Raja-ni nokdangna kakket bichalko ra·bachina dabie, Govind an·tangan, Butbar salo Raja Raghuvanshi-ni ma·gipako aro nokdangni manderangko gronge agangrikenba, nokdangni palo kemako bi·angaha.

Sonam-ni namgijagipa kamko parakeaniara mingsa namen chanchisona man·gijani ong·a. Iani bidingo nokdang ge·gnini manderang inditan so·sojengjeng ong·tokaha aro ong·na krapilgijagipa a·sel ong·aha. Uamang Raja aro Sonam bia ka·ani ja·mano maming gisik sagrikani grian meli nangrime dongengachim.

Raja-ko so·otanina kakket bichalko ra·bana Govind, Shillong-ona re·bae Raja-ni dolchini dakgrikegen ine aganaha.

Govind Raghuvanshi ia aiao inmangipa kattako Raja-ni nokdang baksa duk chakrimaniko maini gimin dakahachim, da·o dipetde u·ina man·kuja. Uni parakatanirang ia case-ko ra·e bichal ka·anirango dingtanganirangko ra·banaba gnang.

Govind, paraken nogipani kamko jegale aganaha, Raja-ko so·otanina, nogipani kosako sasti on·china aro uni namgijagipa kamni kri uko pasi on·china aro Raja-ni nokdangna kakket bichalko ra·bachina Govind didiangaha.