Baghmara, Mar 26,2025: South Garo Hills-o niamgri koela bikotenga aro niamgri koela salruraenga ine Williamnagar Balsrigittim-ni Mingran T.Sangma aro Era Aning songni Rajen Ch.Sangma, Meghalaya High Court-ni Justice (Retd) BP Katakey-na badi ka·ani ja·man, Under Secretary to the Government of Meghalaya, Mining & Geology Department, March 21 tariko inquiry ka·china ba sandianiko dakchina ge·etaniko on·ataha.

Iani bidingo South Garo Hills a·jani Additional Deputy Commissioner (ADC) PR Sangma, Superintendent of Pulis (SP) aro East Garo Hills a·jani Divisional Mining Officer, In-Charge South Garo Hills and District Transport Officer (DTO) jinma apsan Joint Inquiry ba sandianiko dakenba, March 27 tariko na una skang Report-ko submit ka·china ge·etaniko on·ataha.