Tura, Aug 21, 2024: Rongram block-ni ning·o donggipa Rongchigre songo Jal Jeevan Mission (JJM)-ni kamko name ka·jani gimin songni manderang contractor-ko matnangataha.

Songni manderangni koborna u·iatani gitade, kam matchotgijan, kam matchotaha ine contractor completion report-o soi ka·e on·china songni dilgiparango bi·enga. Contractor-ni kam matchotaha ine completion report-o soi ka·china bi·ani gimin, Rongchigre songni manderang Sombar salo JJM pipe line-ko nina re·angon, kam ka·a namgijako nikaha. Una agreba chi pipe teka namjani a·sel pipe gita chi joke galenga aro chiringko salbatgipa pipe line-ko name tarija.

Indake ong·engon, Rongchigre songona salbagipa JJM-ni pipe line-rangko name taripilchina songni manderang contractor-ko didiataha.

Uandake, contractor-ni kamko department-ni officer-rang nirokjani a·sel contractor an·tangni sika gita kamko ka·e, Rongchigre songo JJM-ni kamrang namjaha ineba songni manderang matnangaha.

Uni gimin, Rongchigre songni JJM pipe line-ko name taripile on·china songni manderang contractor-ko dadiataha.