New Delhi, April 22,2025: India Sorkari ba Ma·mong sorkari, Rongtalgipa Pope Francis-ni a·gilsakko wate re·angani gimin, uko mande ra·e kalimpaaniko dakna India a·songni pilak a·dokrangon kalimpaaniko dakanggen ine parakataha.

Ministry of Home Affarirs (MHA)-ni parakatani gitade, India a·songni a·dok (State) gimikon salgittamna, Pope Francis-ko mande ra·e kalimaniko dakanggen.

April 22 tarik Monggobar sal aro April 23 tarik Butbar salgnina a·dok gimikon kalimpaaniko dakanggen.

Salsara uko gopani salo chong·motan April 26 tarik Sonibar salo kalimaniko dakanggen ine parakataha.

Kalimaniko dakengmitting somoio a·songni nisan ba national flag-ko pilak buildingrangon badalatgen aro jeon salanti a·songni flag-ko badale donenggipa biaprango kam ka·ani dongjawa ineba parakataha.