Tura, Feb 27,2025: Garobadha jolni nangrimgimin NGO-rang, chongmotan FKJGP, ADE, AYWO, AHAM, ADIL A·king Nokma aro jolni manderang Butbar salo Garo Hills Autonomous District Council (GHADC)-ni Executive Member (EM)-ko gronge, Garobadha Bajar Committee-ni dilgiparangna dongimin sal aro somoirang bon·ahaoba, jinmani namnika gita dakgija, an·tangtangni namnikako bajar committee-ni President, Secretary seokahani gimin GHADC-ni gita Garobadha Bajar Committee-ni President aro Secretary-ko songe on·china lekka sedoangaha.

Garobadha Bajar Committee-ni President aro Secretary-ko seokanio parak ong·jaenga, uni gimin GHADC election-ko ong·ate, Garobadha Bajar Committee-ni President aro Secretary-ko songe on·anikosa manderang nangnikenga ine NGO-rang parakataha.

Mikkangchi Garobadha Bajarko namdapatna, GHADC-ni ning·o ga·akgipa bajarko nirok simsakaniara EM-ni jako ong·a. Jedakode, Garobadha bajaro pale sim·e aro bading chiwale janggi tangenggipa manderangni namgnina, name nirok simsakaniko dakchina NGO-rang GHADC-ni EM-ko didiangaha.