Guwahati, June 18,2025: Assam a·dokni Siring Chuk Namghar sepango matchu skoni grengrangko galani gimin, Lakhimpur Pulisrang saksni manderangko rim·aha ine Butbar salo Assam-ni Skotong Minister Hemanta Biswa Sarma aganaha.

Namghar-oni kilometer 30 mang chel·gipa biap soroksamo manggittam matchu skoni grengrangko man·aha.

Rim·a man·gipa manderangara bilai 60 ong·gipa Monsur Ali, bilsi 29 ong·gipa Md. Rejjak Ali, bilsi 48 ong·gipa Saha Ali, bilsi 25 ong·gipa Diluar Hussain, bilsi 30 ong·gipa Dildar Hussain, bilsi 33 ong·gipa Abu Kalam Ali aro bilsi 22 ong·gipa Jahidul Islam ong·achim.

Pulisrang, Monaur Ali-ni donggipa biaponiko sandion, matchu skoni grengrangko bang·en man·dapaha, ine pulisrang parakaha.

Iani bidingo bilaken sandianiko dakenga ineba Skotong Minister parakataha.