Imphal, June 23, 2025: Manipur a·dokni Imphal West District-o donggipa dingtang dingtang gisik aro be·enni gita bilgrigipa manderangko so·otanio jak donggipa, Arambai Tenggol (AT) Meitei bobil dolni saksa mongsonggipa dilgipako rim·aha, ine pulis officer Sombar salo parakataha.
Pulis official-ni aganani gitade, rim·a man·gipa mandeara bilsi 35 ong·gipa Longjam Khaba Singh ong·achim aro ua Yumnam Huidrom Thiyam Leishangkhong jolo donggipa mande ong·achim.
Ua mandean, Paobitek Mayai Leikai-ni Md Chesam Abdul Kadir-ko so·otanio saksa mongsonggipa ong·a, ine pulisrang parakaha.
Longjam Khaba-ko Robibar salo Puthiba Laibung Complex sambao donggipa Mongsangei Makha Leikai Arubam Leikai minggipa niaponiko rim·aha ine pulisrang aganaha.
Ia apsan mamlao jak donggipa sak 10 manderang baksa sak 7 Arambai Tenggol-ni member-rangko man·chape pulisrang rim·aha ine koborna parakaha.
