Shillong, June 7, 2025: Ma·sina man·gijagipa manderang sakgni scooty gisimo re·bae, ja·achi re·giparang aro chadenge rogipa manderangoniko ra·sekdrae ra·enga ine bang·a manderangni badi ka·anirangko man·e, Laitumkhrah Pulis Station-ni Special Team aro jolo songdonggipa manderang baksa bakrime, June 6 tarik attam walni 8 bajimango ua sakgni manderangko rim·aha.
East Khasi Hills a·jani pulis officer-ni parakani gitade, Nongrim Hills-ni NEC sambao ja·achi re·gipa manderangoniko ra·seke ra·na jotton ka·engmitting somoio uamang sakgniko rim·aha. Ua manderangan a·selo ga·akgipa mandeni ki·sangko screwdriver-chi su·aha.
Rim·a man·gipa sakgni manderangara Golflink-oni bilsi 27 ong·gipa Kitnok Thabah aro Lumshyiap-oni bilsi 22 ong·gipa Melvin Tongwah ong·achim.
Ua manderangni kosako ra·seke ra·ani gitcham minggni mamlarangko ia bilsio, Laitumkhrah Pulis Station-o segatmanaha, mingsara re·anggipa April 10 tarikni 12:30 bajimango Bawri Mansion sambao tangka gong 19,000-ko ra·seke ra·aha aro gnigipara June 3 tarikni attam 7 bajimango Nagaland House sambao uamang tangka gong 5,000-ko ra·seke ra·aha.
Uamang sakgnian bang·a ra·seke ra·anirango jak dongachim aro apsandaken changni chang manderangoniko ra·sekdrae ra·aha. Uamangoni saksa Melvin Tongwah-ko batanggipa somoio, chong·motan ia bilsio, Polo jolo donggipa Pasteur Beat House-ni officer-rang ra·seke ra·ani bidingo rim·aha, ine pulisrang parakataha.
