Shillong, July 13, 2025: Indian Youth Congress (IYC) Social Media-ni National Skotong (Head) Manu Jain, Meghalaya a·doko Congress dolko bilakbatatna, Meghalaya Pradesh Youth Congress (MPYC) Social Media-ko bilake re·dilna, Junebirth C.Marak-ko State Chairman, Norbert Jana Nongbet aro Derrick W Jyrwa-ko State Co-Chairman-na seoke appoint ka·ataha.

Indian Youth Congress-ni office bearer-rang, ra·bia gnang gisiko nange Congress dolko bilakdapatna kamrangko ka·engon, “Chinga apsan ku·monge Congress President Mallikarjun Karge, Sonia Gandhi aro Leader of Opposition (LoP) Rahul Gandhi-ko bilakdapatna kamrangko ka·na miksonganio MPYC Social Media-ni dilgiparangko seokaha” ine Jain parakataha.

“Na·simangni bil amadipet, Meghalaya a·doko songdongenggipa manderangna tom·tomani aro ku·mongani kattarangko gipatgen aro gisik ka·tong gimikchi, IYC in-charge Krishna Allavaru, IYC National President Uday Bhanu Chib aro IYC baksa apsan kamrangko ka·anggen ine anga nama sikaniko on·atna sika” ine ka·donganiko Jain parakataha.

Uni gimin Congress dolko bilake aro kimkim re·dilangna na·simang sakantian, IYC in-charge Sariffa Rahman, MPYC State President Timjim K.Momin aro IYC Meghalaya-ni Social Media Team baksa apsan bakrime kamrangko ka·angchina Jain mol·molataha.