Tura, June 6, 2025: Bristibar salo Green Tech Foundation (GTF) Garo Hills Division baksa jolni manderang, Masson Phillips BSW-ni chatro chatrirang, Rongram 2-Stroke Rx-100 biker-rang aro jolni NGO-rang jekai ASPF aro AHAM bakrime Rongram jolrango pang 170 bol chararangko ge·angaha.
Iako ong·atani miksongara, environment-ko namdapatna aro manderangko mikkangchi Garo Hills-ni nitobegipa aro ong·telaigipa bakrangko name ripingangchina didiani ba mikkrakatani ong·a.
An·chingni samtangtango ong·telaigipa bakrangko name rakkina aro nitoatna gita apsan kam ka·anichi, “An·chingni a·gilsakko rongtale tangsekgilgil ong·atani chasong ong·engaha. Hai an·chingni environment-ko maming nosto ong·atgija, knalna pangkamgipa kamko tarisona aro n·chingni a·gilsako jokatna, nitoriri tangsekgilgil ong·atpilna” ine GTF Garo Hills Division-ni dilgipa Chekan R.Marak sakantikon ku·mongangaha.
