Tura, Oct 7, 2024: Zikku Balgra N.Marak-ni dilenggipa Garo Students’ Union (GSU) CEC, HQ Tura, A·chik A·song Environmental Enthusiast Society (AAES) aro Durama Motor Sports Adventure Club (DMSAC) bakrime, Robibar salo “Flood Relief Program”-ko Dalu aro Rimrangpara jolrango ong·ate, chi bana re·anichi nok jamrang nosto ong·aniko man·e dongenggipa aro a·a be·dapanichi duko ga·akenggipa manderangna dakchakaniko on·angaha.

Ia program-ko ong·atenba, duko ga·akenggipa bang·a songni manderangna ringani chi aro gipin bosturangko suale on·angaha.