Tura, Oct 10, 2024: Garo Hills-ni dingtang dingtang dilgiparang October 10 tarik Bristibar salo Resubelpara Sangkni Resort-o jinma tom·e chanchirimaniko dakenba gital Civil Society, Garo Enlightenment Society (GES)-ko bikotaha ine u·iataha.
Ia Civil Society-ko Indian constitution-ni Article-19 (1) (c)-o pangchake bikotaha ine parakenba,
bang·gija salrangni gisepon ia gital Society-ko Indian Society Act, 1860 pangchake government registration-ko ka·anggen GES-ni gital President Clintone Marak parakataha.
Ia gital Civil Society-ko miksonge kulianiara, A·chik pagitchamrangni gimin u·ie, ma·sie ra·na aro A·chik jatni ku·sikko ripingna aro daka rikanirangko chasong gitalo ripingani, jekai sika moa, doka dam·a, wata chenga, ganding chingding, lekka poranirangko skie ra·an baksa bi·sarangna gisikni gita apalbate u·ianiko on·na man·a gita social awareness, cultural program aro gipin kamrango u·igipa ma·sigipa ong·china, skie on·anirangko dakna, dingtang dingtang songsalni kamrangko namroroatna ja·kurangko de·dilna, jekai me·chikrangni kosako sinjetani, bi·sarangko kragija dakanirangko naljoke rakkina ja·ku de·ani ong·a. Una agreba bi·sarangna naljokaniko on·na, jekai child labour-rangoniko chel·chakna, songsalni development and infrastructure-rangko simsak nirokna, samtangtango dongenggipa sam bolrang, maturingangko ripingna kamrangko ka·anggen” ineba Marak parakataha.
Uandake, songsalna dangdike on·engon, A·chik jatko ku·mong nangrimaniona rimbana aro apalbate u·ianiko on·na gita ia Civil Society-ko Central Level-o Registration ka·e, dingtang dingtang a·dokrango kamrangko ka·angna gitaba miksongenga.
Ia gital Society-o
Central Executive Committee (CEC)-ni dilgiparangara, Clinton R.Marak President (Double MA Philosophy & Rural Development),
Silang Goera Ch.Marak Vice President (Former Social Worker), Christopher S.Sangma
General Secretary Christopher S. Sangma (M.A passed English Hons, former Social worker), Ankur G.Momin Additional Secretary (Graduated, former GSU Member), Sengban T.Sangma Finance Secretary (Graduated).
Assam State President Clatus G. Momin (Graduated).
Apsan daken Williamnager, Kharkutta, Rongjeng, Songsak, Nengkra, Bajengdoba, Resubelpara, Baghmara, Ampati, Tikrikilla Circle-rangko songe donangaha ineba parakataha.
