Guwahati, Aug 28,2024: Assam a·dokni Jorhat district-o donggipa Charaibahi minggipa biapo bilsi 65 ong·gipa me·apa saksa August 26 tarik Sombar walo bilsi 10-ni me·chik bi·sako kragija dake changni chang til·eke roaha ine koborna parakaha.
Ia a·selni bidingo duko ga·akgipa me·chik bi·sani ma·gipa pagipa pulisna badi ka·ani ja·man, dos dakgipa mandeko pulis rim·aha.
Me·chik bi·sako kragija kal·ake rogipa mandeara Rubul Ali ong·achim aro uni kosako Bharatiya Nyaya Sanhita (BNS)-ni ning·o Section 74 aro 75 baksana Section 8 aro 12-ni ning·o pangchake, Protection of Children from Sexual Offences (POCSO), Act-ni niam gita uko rim·aha.
Me·chik bi·sa aro uni ma·gipa pagipani a·a nokgipa, Rubul Ali chingni demechikna tangka on·gen ine tol·e ku·rachaka dakenba kragija til·eke roaha ine me·chik bi·sani ma·gipa Monggolbar salo kobor ra·timgiparangna aganaha.
Batanggipa jagni mangna, Rubul Ali me·chik bi·sako kragija kal·akna changni chang cholko ra·ahachim, ineba me·chik bi·sani ma·gipa aganaha.
Dos dakgipa Rubul Ali tangka gong 5000-chi bodole uko til·ekna gita grongeaha ine me·chik saksaba sakkiko on·dapataha.
