Shillong, Aug 29,2024: Meghalaya Legislative Assembly-ni Speaker, Thomas A. Sangma, August 29 tarik Bristibar salo Dr. Mukul M.Sangma-ko Leader of Opposition (LO)-na donataha. Iana salsa skang, TMC Parliamentary Party-ni dilgipa, Dr.Mukul M.Sangma Leader of Opposition-ko ra·na gita a·kangahachim.

Gitcham Leader of Opposition aro Congress MLA Ronie V. Lyngdoh, saksa mangmang Dr. Mukul M.Sangma-ni Leader of Opposition post-na a·kanganio chakpaaniko on·angaha.

Uandake, Meghalaya Legislative Assembly-ni Secretariat, minggipin notification-ko on·ataha gitan, Assembly Speaker Thomas A.Sangma, Congress MLA Ronie V Lyngdoh-ko Opposition Chief Whip-na donatskaha, indake Dr. Mukul Sangma aro Ronie V. Lyngdoh sakgnian, August 28 tarik dipet an·tangtangni kamko jako ra·e ka·anggen ine parakataha.