Tura, Dec 22, 2024: Araimaile Socio Cultural Club ( ASCC) December 21 tariko gittamgipa changna lottery kal·aniko ong·ataha.
Ia gittamgipa changna lottery kal·atanio Pa Winder Ch. Marak mongsonggipa sokgipa ong·e bakko ra·angaha aro unbaksa Rongram-ni gitcham MDC Pa Jamindro R. Marak dongpae uamang sakgni kal·aniko name nirokangaha.
Ia lottery- ko housie system-o kal·aha, indake bon·kamgipa consolation-ni bongagipaoni skangipa prize-ona kal·angaha.
Consolation prize mingbongana ge·bonga Smart phone-rang aro gittamgipa prize-na refrigerator, gnigipa prize Smart TV aro skanggipa prize Alto K10- ko on·aha.
Consolation prize-ko man·giparangara skanggipa Tura RC Road-ni Aviana Marak,
gnigipa Christian Hospital-ni Dr. Rongsil
aro gittamgipa Tura ITI-ni Chesrang N Sangma man·angaha.
Skanggipa prize-ko Jengjal-ni Akki Azido Ch Marak.Gnigipa prize ko Dakopgre-ni Falfa Griksang A Sangma,
gittamgipa Dalu-ni Tasvi Ariana K Marak kingbonga ticket-rangko rae, gittamgipa prize-ko manangaha. Jerangan boksisrangko man·ahachim, uamang sal kolatchini giseon phone ra·e boksisrangko ra·ena mangen ine parakataha.
Ia lottery-ko ong·atani miksongara gittimni chadamberangko kal·susaanirango gisik nangatna aro gittimo maiba a·selrang ong·ode, gittimni manderangna dakchakaniko on·na miksonge ong·ataha ine Jamesbirth Ch Momin aganangaha.
