Williamnagar, Aug 28, 2024: A·chik Progressive Approach (APA) HQ, Garo Hills-ni corruption-ko dakgrikna, songsalna kakket kamko ka·na aro gipin Pressure Group-rang ba NGO-rang baksa ku·monge, A·chik a·song aro jatni namgnina kamrangko ka·na miksonge, August 27 tarik Monggolbar salo Williamnagar Orchid Lodge-o tom·aniko ong·ate gital dilgiparangko seoktaiaha.
Gital seokako man·gipa APA-ni dilgiparangara Dimchang Dwarka M.Sangma President, Bhim Sangma Vice President, Brill Marak General Secretary, Tengbirth Marak Assistant General Secretary, Bennyson Sangma Publicity Secretary, Mingran T.Sangma RTI Secretary aro Gourov Marak Finance Secretary.
APA-ni gital President Dimchang Dwarka Sangma indakgipa Organisation-ko dilna gita seokako man·ahani gimin, an·tangni gisik ka·tong gimikchi kusi ong·e, mittelpilskaani kattarangko parakangaha.
“Anga APA-ni President ong·e, A·chik a·song aro jatni namgnina kakketo dangdike on·na an·tangko on·kanga. Chingni miksonganiko anga rongtalen ma·siaha, Garo Hills-ni manderangko darangkoba mikkang nigija gimiknan apsan kakket aro bebeo bil gnange kamko ka·anggen. Angni dol baksa ku·monge chinga apsan A·chik a·songni corruption-ko bon·atna aro songsalna kakketo kamko ka·anggen” ine APA-ni gital President parakataha.
