Tura, Feb 24,2025: Association for Democracy and Empowerment (ADE) Tikrikilla Regional Unit-ni General Secretary Kadarik D.Marak-ni rasong gribee re·anggipa January 8 tariko a·gilsakko watangani ja·man, adita somoirangna dontongatna nangahaoba, mikkangchi apsandaken, kamrangko ka·angkuna miksonge, ADE Tikrikilla Regional Unit-ko songpiltaie, gital dilgiparangko seokangtaiaha.

Uni (Kadarik) a·gilsakko wate re·anganichi dilgipa biap (post) bangbang ong·na nangaha aro gipin top post-o kam ka·enggipa Unit-ni member-rang obostani kri dontongna ga·akaha. Indiba, Association-ko name chalaiangkuna gita bangbang dongenggipa biap ba post-o ta·rake somoi gita dilgiparangko seokna man·ningjaha ine ADE-ni dilgipa parakataha.

Indake ong·genchimoba, obostako nigrike, Unit-ni gita mikkangchi kamrangko ka·angkuna, Regional Unit-ko songpiltaie, ADE Tikrikilla Regional Unit-ni gital dilgiparangko seoke, ADE Apex Committee, HQ Tura-ni President Dalseng Bira Ch.Momin, February 24 tariko Association-ni dongimin bilko jakkale, Adhoc ba Interim basis-o ja 6-na approve ka·e on·angaha.

Officially approved ka·ako man·gipa, ADE Tikrikilla Regional Unit-ni dilgiparangara Tenzing D.Marak-President, Mante D.Momin-Vice President, Devanish Ch.Sangma-General Secretary, Superson Ch.Sangma-Additional Secretary, Francis Ch.Momin-Assistant General Secretary aro gipin sak 7 Executive Member-rangko ja 6-na approved ka·ataha.

Approved ka·ako man·gipa, ADE Tikrikilla Regional Unit-ni Office-Bearer-rang, Association-ni dongimin niamo pangchake, approval ka·ani sal ba tarik dipet, uamangni office-o kamrangko ka·angchina, ADE Apex Committee-ni President ge·etaniko on·angaha.