Tura, Sept 10, 2024:Ia bilsio SSLC aro HSSLC porikkarango nambata gadango pass ka·gipa ba chu·sokgipa dingtang dingtang Skulni chatro chatrirangko mande ra·e mittelpilskaani program-ko Akhil Bharatiya Vidyarthi Parishad (ABVP) Tura Unit, September 9 tarik Sombar salo Tura District Auditorium-o ong·atangaha.
Ia program-o chubata gadango chu·sokgipa chatro chatrirangna Pa Togan Nengminja Sangma Best Student Award-ko on·angaha.
Ia program-o Assam Legislative Assembly-ni Speaker Biswajit Daimary, Tura-ni MDC Bernard N. Marak, ABVP-ni gitcham President Lekhi A. Sangma, ABVP-ni Secretary Tengku M. Marak aro Tura-ni bang·a skulrango poraienggipa chatro chatrirang sak 400 mangna baten bakko ra·angaha aro sak 100 mangna bate chubata gadango pass ka·gipa chatro chatrirangna Award-rangko on·angaha. Ia program-ko ong·atanichi chatro chatrirang skie ra·anirango mikkangchi nambate poraiangchina didiani ong·a.
Ia nambegipa felicitation program-ko ong·ataniara skia poraiani gadango bang·bate chu·sokanirangko nikna man·na gita bilsiantian ia program-ko ong·atenga. Uni gimin chatro chatrirang skie ra·ani gadango nambate dakangchina aro kim·kim ong·e miksongatangko ja·rikchina ABVP Tura Unit-ni dilgiparang didiangaha.
Pa Togan Sangma Best Student Award-ko on·ani miksongara Pa Togan Sangma saksa jakgitelna dakgrikgipa A·chik Matgrik ong·ani gimin uni bimungko done, uni seng·ani, bimchipani, ka·dongani aro jatna warachakaniko chadamberangna ma·siate on·na, miksonge ia program-ko ong·ate, porikkarango nambate chu·sokgipa chatro chatrirangna boksisrangko on·ani ong·a aro ia program-ko ABVP bilsiantian ong·atrongenga.
