Tura, Dec 13, 2024: Garoland State Movement Committee (GSMC) CEC HQ, Tura West Garo Hills-o Homeguard Traffic Volunteer-rangni man·na nangenggipa ja 5-ni dormaharangko ta·rake on·china a·dokni Home Minister aro Home Pulis Department-na sedoataha.
GSMC dilgiparangni parakatani gitade, a·dok sorkari jekon, Home Guard Volunteer-rangna salo gong 500 ka·e on·na tik ka·ahachim, ua man·gnirangko on·jaengani gimin Home Guard Volunteer-rang nang·nikanirangko chagrongna nangtokenga.
Uni gimin Home Guard Volunteer-rangni man·na nangenggipa chu·gimik dormaharangko ia December jani gisepon ta·rake on·pachina GSMC CEC, HQ Tura Home Minister aro Home Pulis Department-ko mol·molataha.
Home Guard-rang uamangni man·kugijagipa dormaharangko chu·gimik man·genchimode, kusi ong·e Krismas-ko manipana man·genchim, ineba janapataha.
