Tura, Aug 18, 2024: Re·anggipa August 9-oni 12 tarikona Shillong NEIGHRIMS Indoor Stadium-o ong·atanggipa WUSHU Khelo India Womens League East Zone-o under 14 years kg 42 Category-o kal·susae, Tura Cherangre-ni Tra Nononia N.Sangma 3-gipa biapko man·baha.
Ia me·chik bi·sani pagipa Lickinson M.Sangma skie on·aha. Uandake, ia kal·susaanio a·dok dam 10-oni dam 8-ni chadamberang bak ra·angha.
Ia kal·susaanio bak ra·giparangara Arunachal Pradesh, Assam, Bihar, Manipur, Mizoram, Tripura, West Bengal aro Meghalaya a·dokrangoni kal·susaangaha. Ua da·o WUSHU Khelo India National-o kal·angna gita seokako man·aha ine u·iataha.
