Ampati, July 3, 2025: Butbar salo Aadhar card-rangko nipiltaiani bidingo training program-ko, South West Garo Hills a·jani BSF, Pulus, Election aro DC Office-ni manderangna Ampati DRDA Conference Hall-o ong·atangaha.

Ua training program-ko South West Garo Hills District Administration, sima arirango re·ruraani aro dingtang dingtang kamrangna tol·e tarigipa Aadhar card-rangko jakkalanirang batroroengani gimin, manderangni jakkalenggipa, Aadhaar card-rangko name nipiltaina gita ia training program-ko ong·ataha.

Tol·e tarigipa Aadhar card-rangko name am·sandina aro nipiltaina gita kam ka·giparangna skie on·na nangenga ine South West Garo Hills a·jani Indo-Bangla sima arirangko nirokenggipa BSF official-rang didiahani gimin, ua training program-ko District Administration, BSF, Pulis, Election-ni enumerator-rang aro DC office-o kam ka·enggiparangna ong·atangaha.

Ua training program-ko South West Garo Hills a·jani Additional Deputy Commissioner Dolrich BG Momin dilangaha aro Assistant Commissioner Meai Kyrpang, Planning department aro gipin department-ni officer-rangba bak ra·angaha.

Ua salsana ong·atanggipa training program-o Guwahati-ni UIDAI Regional Office-ni Project Manager Nazibul Islam, official-rangna agan-skie on·angskaaha.