Shillong, June 22, 2025: Shillong-ni Judicial Magistrate First Class Court, Sonibar salo Raja Raghuvanshi-ko so·otani mamlao Sonam Raghuvanshi aro uni mikchagipa Raj Khuswaha-ko sal 13-na Judicial Custody-o donatdapaha.

Re·anggipa Bristibar salo Court, uamang sakgniko salgnina pulis custody-o donatahachim, ua somoi Sonibar salo bon·ahani gimin, Shillong Pulis, Sonibar salo uamangko Court-ona rimangon, custody-o sing·sandianiko dakangkuna somoiko bi·dapaha.

Dos dakgipa sakgniko pulis custody-na somoi bi·dapa dongja, indiba Judical Custody-ko dondapatchina mol·molahaniko court, ra·chakaha, ine Additional Public Prosecutor Tushar Chandra aganaha. Sonibar salni hearing-o Defence, maming legal aid-ko on·angjaha.

Re·anggipa antio court, dos dakgipa gipin sakgittam manderang Akash Rajput, Vishal Singh Chauhan aro Anand Kurmi-mangko sal 14-na Judicial Custody-o donataha. Indake
Sonibar salo dos dakgipa sakgni Sonam aro Raj-ko court-ona rimangaha aro sing·sandianiko dakangkuna sal 13-na Judicial Custody-o dondapangkuaha.