Imphal, June 6,2025: Manipur a·dokni Kangpokpi Pulis Station-ni ning·o ga·akgipa National Highway (NH)-2 sorok sambao donggipa Dailli songo Manipur sipairang Bristibar salo Creta car bolsako ramao champengsoe rim·rikaha aro bang·bea brown sugar-rangko man·aha.

Pulisrangni chu·gimik sandimiting somoio, ge 75 sabon bikaprango chipgimin kg 2.88 ong·gipa brown sugar-rangko garioniko man·aha. Ua pekatgipa samrangko pulisrang ra·sekaha aro niamgri badinggipa sakgni manderangko rim·aha.

Rim·a man·gipa manderangara M.Ngaiyu aro A. Dahnni Abraham ong·achim aro uamang sakgnian Senapati district-o donggipa Thingba Khullen songoni ong·achim. Ua mamlako Kangpokipi Pulis Station-o segataha aro ua mamlani bidingo pulisrang am·sandianiko dakenga ine parakaha.