Shillong, May 23,2025: Meghalaya a·dokba lekka poranio, 2023-2024 bilsini Periodic Labour Force Survey-o 94.2 percent-ko man·e, India a·songni State Literate-o bongagipa gadangona sokaha ine Ministry of Statistics and Program Implementation parakataha.

India a·song gimiko Mizoram a·dokan lekka poranio 98.2 percent literacy chart-o a·songni skanggipa top rank ba gadango ong·enga ine parakaha.

Salgro Salaram a·dokrangoni Nagaland a·dokba lekka poranio 95.7 percent-ko man·e, India-ni State Literate-o gittamgipa gadango ong·enga. Indiba, Indiani literacy rate-o Lakshadeep 97.3 percent aro Kerala traditionally skotong ong·e 97.3 percent, ong·e chubatgipa gadango ong·skaenga, ineba parakaha.

India a·songni chu·gimim literacy rate-ara me·asa aro me·chikrang gimikko man·chape, bilsi 7 aro una batgipa manderang 2023-2024 bilsio 80.9 percent ong·aha.

India a·songo poraiani literacy rate namdaproroaniara a·songni economic tang·doanichi ong·enga. Registrar General of India Office-oni parakatani gitade, bi·sa saksa bilsi 7 ba una batgipa je ku·sikkoba poraina aro sena man·ode, uamangko literate ine India a·songo ra·chaka.