Dibrugarh, May 24,2025: May 24 tarik Sonibar salo Assam Tinsukia-ni pulisrang, United Liberation Front of Asom-Independent (ULFA-I)-ni Commander Rupam Asom-ko Arunachal border sepangoniko rim·aha ine kobor man·aha.
Koborni gitade, Rupam Asom uni dol baksa Assam-Arunachal border sepango donggipa buringo dongnue dongngako, pulisrang kobor man·e, sandiangenba rim·aha.
Pulisrang Rupam Asom-ko rim·gipa biaponiko chichidarerang aro guli barut-rangkoba man·aha ine koborna parakaha.
Rupam Asom-ni dilanichi Tinsukia jolni Bordumsa minggipa biapo donge manderangoniko tangka gildrae ra·engachim ineba koborna parakaha.
“Rupam Asom saksa mongsonggipa dilgipa ong·e, Eastern Assam jolo bading chiwalenggipa manderangoniko tangka paisa ra·sekdrae ra·ani bidingo uni manderangna skie on·rongachim. Rupam Asom batanggipa bang·a bilsirangna ong·gija kamrangko ka·e, Tinsukia pulisrangko sko saatronga” ine koboro parakaha.
Rupam Asom aro uni dol Assam-Arunachal border-o donggipa buringo dongnue, namgija kamrangko ka·na miksongengachim.
“Pulisrang, uni dongnuengako sruk sruk kobor man·asoe, uko rim·na gita operation-ko a·bachengataha aro uko rim·na gita man·aha” ine pulis koborna parakaha.
Pulisrang operation-ni somoio silchidarerang aro gipin bosturangko uni ma·chakgipa biaponiko man·aha. Pulisrang sima ari jolrango am·sandianiko a·bachengate, ULFA group-ni gipin member-rangkoba rim·aha.
Assam-ni Pulis Inspector Bhaskar Kalita-ko 2018 bilsio so·otgipa ULFA-I bobil dolni dilgipa Arunodoi Dahotia aro Rupam Asom-ko man·chape gipin sak 7 member-rangna National Investigation Agency (NIA), charge-sheeted-ko on·aha, ine koborna parakaha.
