Tura, April 4,2025:Ia 2025 bilsini Secondary School Leaving Certificate (SSLC) Matric porikkani result-ko April 5 tarik Sonibar pring 11 bajio parakatgen ine Meghalaya Board of School Education (MBOSE)-ni Examinations Controller TR Laloo u·iataha.
Ia u·iataniko on·atengon, SSLC porikkani result booklet-rangko MBOSE-ni www.mbise.in official website-oniko download ka·na man·gen, indiba result-rangko Tura aro Shillong MBOSE office-rango tape donjawa ine Laloo parakataha.
Ia SSLC porikkani result-rangko www.megresult.nic, www mboseresults.in, www.jagranjosh.com, www.resulta.shiksha, www.ndtv.com aro www.indianexpress.com website-rangoniko nina gita man·gen ineba parakataha.
