Tura, May 3,2025: Chief Minister’s Special Development Fund (CMSDF)-ni gita dakchakaniko man·enba, gital rikdapgipa Tura-ni Bidanchi Higher Secondary Skul nokko, a·dokni Skotong Minister Conrad K.Sangma Sonibar salo nokdonggae on·angaha.

Ua skulo gital ge 4 class room-rangko baridapatna gita Chief Minister’s Special Development Fund-oniko gong lak 10 aro dingtangmancha Higher Section-na gong lak 10 tangkarangko on·atahachim.

Ua Bidanchi Higher Secondary skulko Samagra Siksha-ni ning·o, Active Learning Centre-ko kuligen ineba Skotong Minister parakangaha.

Skotong Minister, chatro chatrirangni poraianio tang·doaniko nike, nambegipa kamko ka·ahani gimin, ua an·tangni kusi ong·aniko parakangenba, Bidanchi Higher Secondary Skulni skigiparangna aro chatro chatrirangna nama sikaniko on·angaha.