Tura, May 3, 2025: Gimaangenggipa A·chik jatni raka rikanirangko mikkangchi tange rakkiangna miksonge, “Training on Basic Loin Loom Weaving” ba ba·ra dokaniko sal 45-na Rongkhon Derangittim-o skie on·enga. Uni gisiko nanggipa ma·giparang aro chadamberang re·bae skie ra·na gita man·gen ine u·iataha.

Iani miksonga ba Theme-ara, “Every Thread Tells a Story of Recilience and Courage.”

Ia sal 45-na skie on·aniko Durama Imbama Norimbi Dikkimbi A·chik Ma·giparang (DINDAM)-ni gita ong·atenga.

Ia ba·ra dokaniara skangonin A·chik ma·giparangni mingsa mongsonggipa jakni kam ong·a, indiba da·o A·chik ma·giparangni ba·ra dokaniko nikna man·jaengaha. Ka·sin ka·sin gimaroroangengjok. Uni giminsa jakchi ba·a dokaniko tange rakkina, skie on·aniko dakenga ineba DINDAM u·iataha.

Iako skie ra·giparangna antio sal 5, Sombar-oni Sukrobar-ona, salo batch ge·gni ba phase gni dake, pring 9 bajioni 12:30 bajiona batch ge·sa, attamo 1 bajioni 4:30 bajiona batch ge·sa dake skie on·gen. Indiba jemangan Sombar-oni Sukrobar-ona skie ra·na somoi ba chol man·jaengachim, uamang Sonibar salo skie ra·na man·skagen ineba u·iataha.

Iani bidingo talbate ma·sina sikode, 9863036985 aro 7005933125 phone number-rango call ka·ate sing·atna man·gen. Biapde Rongkhon dollong kosak, Dady’s Kitchin mikkang sorok paksao donga re·bae sing·sandina gitaba man·gen.