New Delhi, May 15, 2025: Border Security Force (BSF) sipai saksa Purnam Kumar Shaw, re·anggipa April 23 tariko Punjab-ni Ferozepur district, gita sima ariko batsotangmitting somoio Pakistan-rang rim·e ra·angahachim, indiba May 14 tarik Butbar salo, Attari-Wagah sima gita India-ona re·bapilaha, ine BSF-rang u·iataha.
Jammu aro Kashmir-ni Pahalgam-ko bobil dolrangni chadrapani salsa ja·man, Shaw sima ari gita ga·batangaha. Unomitting somoio Pakistan-rang uko rim·e ra·angahachim.
Iani bidingo BSF-rangni songbad-na u·iatani gitade, Shaw Butbar salni 10:30 bajimango Pakistan-oni India-ona Attari Wagah sima gita re·bapilaha.
“BSF-rang ia obostani bidingo Pakistan-ni Ranger-rang aro gipin communication Channel-rang gita, ua BSF sipaiko Pakistan-rang rim·e ra·angahani gimin, mai obosta ong·enggen, pangnan kobor ra·grikrongachim” ine BSF-rang parakataha.
Ua da·alo maming a·sel ong·ani gri tom·tome a·songtang India-ona re·bapilaha, ine BSF-rang kusi ong·aniko parakataha.
